#قالت له
بعد السلام عليك..
ماهمني عمري الراح
خلصته بس ضيم
واتنطر المطرات
بس ما أضن ديم
وعليكم السلام ..#قلت لها..
بس انه همني هواي
عمري المشه وجاي
واحدب ظهر ظليت
گوه اشرب الماي
#قالت له
أحدب ظهر هم زين
مني احسن هواي
من غيبتك لليوم
انمردت چلاي
#قلت لها
هسه شسوي شلون
لسه العشگ حار
وبگلبي لسه الشوگ
ماطفته النار
#قالت له
تدري العشگ بالروح
مثل النياشين
والمحب دومه
يعيش مثل المجانين
#قلت لها
عيوني هاي وهاي
فدوة وحياتي
يل شوفتچ تسبيح
انتي بصلاتي
#وتوقفت لحظات
جرتها حسره
ريتك حلم يهواي
وبروحي افسره
الإثنين 30/5/2022
صدفة : بقلم / زهير التميمي
العراق
