جيتك : بقلم / ﻣﻌﻤﺮ ﻣﺤﻤﺪ

جيتك

ﺟﻴﺘﻚ ... ﻣﻠﺘﻖ

ﺑﻲ ﺩﻡ ﺍﻟﻬﺠﺮ

ﻭﺍﻟﺸﻮﻕ ﺿﺮﻳﺢ ﺇﻧﺴﺎﻥ ﻣﻬﺰﻭﻡ

ﺑﻐﺎﻟﺐ ﺣﻨﻴﻦ ﺍﻟﺪﻣﻌﺔ

ﻳﻨﻮﻡ ... ﻋﻠﻰ ﺳﺮﻳﺮ ﺍﻷﺳﻰ ﺍﻟﻤﻠﻌﻮﻥ

ﺟﻴﺘﻚ ...

ﻣﻦ ﻓﺮﺍﺵ ﺍﻟﺴﺠﻦ

ﻣﻄﺮﻭﺩ ﺍﻟﻘﻠﺐ

ﻭﺣﺎﻝ ﺍﻟﻤﻠﺢ ... ﺑﻄﺎﻝ

ﻣﺪﻳﺖ ﺭﻣﺎﺡ ﺍﻟﺤﺐ

ﻭﻋﻠﻴﻚ ﺿﺮﺍﻱ

ﺭﻛﺰﺕ ﺣﻴﻞ ﻧﺴﺎﻡ ﺍﻟﺮﻳﺪ

ﻋﻠﻴﻚ ﺇﺗﻐﻄﻴﺖ ﻣﻦ ﺯﻣﻬﺮﻳﺮ ﺍﻟﺨﻮﻑ

ﺻﺎﻓﺤﺘﻚ ﻓﻲ ﺳﺤﺎﺏ ﺣﺒﻲ ﺍﻟﻜﺒﻴﺮ ﻣﻠﻬﻮﻑ

ﻏﺎﺯﻟﺖ ﻓﻴﻚ ... ﺍﻟﻨﻴﻞ

ﻋﺎﻧﻘﺖ ﺑﻴﻚ ﺷﻮﻙ ﺍﻟﻬﻢ

ﻭﺻﺮﺧﺖ ﻓﻲ ﻭﺟﻪ ﺍﻟﺸﻚ ... ﺑﺤﺒﻚ ﻭﻣﺎ ﻧﺪﻣﺎﻥ

ﺟﻴﺘﻚ ...

ﻣﻦ ﺳﺤﻴﻖ ﻧﻬﺪ ﺍﻟﺤﻨﺎﻥ ﻣﻐﺪﻭﺭ

ﻋﻠﻰ ﺭﺍﻳﺎﺗﻚ ﻧﺴﺠﺖ ﺇﺳﻤﻚ ﺍﻟﺴﻮﺩﺍﻥ

ﻭﺃﺣﺒﻚ ... ﺃﺣﺒﻚ

ﺣﺐ

ﺣﺐ ﺇﻧﺴﺎﻥ ﺑﺼﺎﺭﻉ ﺍﻟﺮﻳﺢ

ﻭﺇﺟﻴﻚ ﺣﺎﻓﻲ ﻭﻣﺎ ﻣﻐﻠﻮﺏ

ﻭﺃﺣﺒﻚ ... ﺃﺣﺒﻚ

ﺣﺐ

ﻓﻮﻕ ﻭﺻﻒ ﺍﻟﺠﺒﺎﻝ ﻣﺎ ﺑﻨﺸﺎﻝ

ﻭﺃﺣﻴﺾ

ﺃﺗﻮﺣﻢ

ﺃﻧﺠﺐ ... ﻃﻔﻠﻚ ﺍﻟﺴﻮﺩﺍﻥ

ﻭﺃﻧﺎ ﻣﺰﺍﺭ ﺍﻟﺮﻳﺪ

ﺻﺮﻳﻊ ﺩﻳﻦ ﺍﻟﻘﺘﺎﺕ

ﻭﺳﻬﺎﻡ ﻛﻼﺏ ﺍﻟﻐﻮﻝ

ﻭﺃﺣﺒﻚ ... ﺃﺣﺒﻚ

ﺣﺐ

ﺣﺐ ﺻﺮﻳﺢ ﻣﻔﺮﻭﺩ

ﻭﺃﻗﻮﻝ ... ﻋﻠﻴﻚ ﺍﻟﺮﻙ

ﺯﻫﺮﺓ ﻭﺩﺍﺩ

ﻣﻨﺴﻮﺟﺔ ﻣﻦ ﺿﺮﺍﻉ ﺣﺒﻴﺒﺔ ﺍﻟﻌﻤﺮ

ﻭﺃﻏﺰﻝ

ﺃﻧﺴﺞ

ﺃﻋﻈﻢ ﻗﺼﺔ ﺑﻼﺩ

ﻋﻠﻰ ﺻﺪﺭ ﺍﻟﺰﻣﺎﻥ

ﺃﻫﺘﻒ ... ﺑﺤﺒﻚ ﻳﺎ ﺳﻮﺩﺍﻥ

الجمعة 24/9/2021

جيتك : بقلم / ﻣﻌﻤﺮ ﻣﺤﻤﺪ